床位擺放四大禁忌
禁忌一：床頭靠窗。床位後面一定要有實牆，靠窗等於冇靠山，事業冇人撐，感情冇安全感。玄清子見過一個客人，長期失眠，換咗床頭位置對實牆之後，一個月內睡眠質素明顯改善。
禁忌二：床對鏡。鏡煞係睡房風水嘅大忌，鏡子對住床會擾亂睡眠，容易發噩夢。尤其係夫婦房，鏡對床仲會影響感情，容易有第三者介入。
禁忌三：床上有橫樑。橫樑壓頂係形煞，長期瞓喺橫樑下面會影響健康，尤其係對應身體嗰個部位。例如橫樑壓頭會頭痛，壓心口會胸悶。
禁忌四：床頭對廁所。廁所係穢氣之源，床頭如果同廁所共用一道牆，穢氣會滲入，影響健康同財運。
催旺桃花同夫妻感情嘅睡房佈局
想催旺桃花，可以在睡房西南方（坤宮，代表女主人同婚姻）放置成雙成對嘅擺設，例如一對鴛鴦、一對天鵝。已婚夫婦想增進感情，可以在床頭櫃放一對粉水晶。
人一生有三分之一時間喺睡房度過，睡房風水嘅重要性比你想像中大好多。有問題嘅睡房，等於每日八個鐘喺度消耗你好運。
—— 玄清子，港颐堂